К 100-летию А.Е.Макаёнка
12 лістапада адзначалася юбілейная дата з дня нараджэння нашага славутага земляка, драматурга, сцэнарыста. 100 год прайшло з таго часу, як на беларускай зямлі заззяла зорка Андрэя Ягоравіча Макаёнка.
У знак пашаны да знакамітага літаратара ў нашай школе было наладжана мерапрыемства – літаратурная кампазіцыя “Паклон табе, славуты драматург”. Падрыхтавалі яго вучні 8 “Б” класа.
На мерапрыемстве былі перагорнуты старонкі біяграфіі Андрэя Макаёнка, прагучалі ўспаміны сучаснікаў. Вучні расказалі аб найбольш вядомых творах драматурга, ацанілі ўклад у беларускую літаратуру і кінематограф, папоўнілі свае ўяўленні аб непаўторным абліччы пісьменніка зямлі беларускай.
Увазе вучняў быў прапанаваны відэафільм аб А. Макаёнку. У заключэнні мерапрыемства была праведзена віктарына, якая дала магчымасць замацаваць ўсе цікавыя факты з жыцця і творчасці драматурга.
Падрыхтаваны матэрыял вучнямі 8«Б» класса быў цікавы. Пачутае абудзіла іх цікавасць да літаратурнай спадчыны А. Макаёнка.
