Рэспубліканскі Тыдзень музеяў устаноў адукацыі
З мэтай папулярызацыі дзейнасці музеяў як адукацыйнай прасторы і рэсурсу ў патрыятычным выхаванні дзяцей і моладзі ў перыяд з 18 па 23 кастрычніка 2021 года праходзіць Тыдзень музеяў устаноў адукацыі. У ДУА "Сярэдняя школа №52 г.Гомеля" у рамках Тыдня на базе школьнага этнаграфічнага музея праводзяцца наступныя мерапрыемствы:
18.10.2021
"Наш край – дзівосны прыстанак загадак і цудаў..." (выстава малюнкаў)
Усім даводзілася чуць гісторыі пра розных міфічных істот, што быццам жывуць зусім побач з намі: лясун гаспадарыў у лесе, вадзянік – у вадаёмах, дамавік – у хаце... А ўбачыць? Уявіць гэтых герояў паспрабавалі вучні нашай школы.
19.10.2021
"З родным словам па жыцці" (конкурс на лепшага чытальніка беларускіх народных казак сярод вучняў 5-х класаў)
Відаць, няма на свеце дзяцей, якія б не любілі казак. Беларускія народныя казкі здзіўляюць нас сваім багаццем, захапляюць зместам, зачароўваюць гучаннем. У час конкурсу вучні прыгадалі свае любімыя творы.
20.10.2021
"Пагавары са мной на мове, на нашай роднай..."
(падарожжа-віктарына для вучняў 10-х класаў)
Час ідзе, і ўсё менш застаецца людзей, якія могуць перадаць новаму пакаленню здабыткі свайго народа, сакрэты народных рамёстваў, паэтычную творчасць. Вучні здзейснілі падарожжа ў свет даўніны і згулялі ў інтэрактыўную гульню-віктарыну, дзе выканалі ўсе прапанаваныя ім заданні.
21.10.2021
"Калі ласка, у матчыну хату" ( інтэрактыўная экскурсія ў школьным
этнаграфічным музеі для вучняў 1-х класаў)
Беларусь мае багатую культурную спадчыну, якая ўвасоблена ў быце, нацыянальным адзенні, разнастайных прамысловых вырабах, духоўных традыцыях, звычаях і абрадах. Каб навучыць дзяцей даражыць мінулым, трэба ведаць свае карані, цікавіцца, дзе жылі і чым займаліся продкі, што яны пакінулі нам. З вуснаў нашага экскурсавода вучні даведаліся шмат новага і цікавага пра побыт беларусаў.
22.10.2021 Удзел кіраўніка музея Лынеўскай Т.В. у рэспубліканскім форуме музеяў устаноў адукацыі “Памяць народа ў надзейных руках маладых”. Работа на абласной дыялогавай анлайн-пляцоўцы “Культурна-адукацыйныя практыкі сучаснага музея ўстаноў адукацыі”.
23.10.2021
"Павуціна" (пазнавальная квэст-гульня для вучняў 8-х класаў)
Квэст – гэта гульнёвая прыгода, у ходзе якой удзельнікам трэба было прайсці шэраг перашкод і вытрабаванняў для дасягнення мэты, праяўляючы пры гэтым кемлівасць, знаходлівасць, веды і пэўны ўзровень падрыхтаванасці (дэвіз квэст-гульні: хто шукае, той знаходзіць!). Мерапрыемства прайшло цікава і эмацыянальна, а вучні пашырылі свой кругагляд.
